KATIBU MKUU CCM AWAPONGEZA WANANCHI KWA UZALISHAJI MKUBWA WA CHAKULA SONGWE

Kurushwa hewani: April 16th, 2024

Katibu Mkuu wa Chama Cha Mapinduzi (CCM), Balozi Dkt  Emmanuel Nchimbi amewashukuru na kuwapongeza wananchi wa Mkoa wa Songwe kwa uzalishaji mkubwa wa mazao ya chakula.

Balozi Nchimbi amesema hayo leo Jumanne Aprili 16, 2024 wakati akiongea na wananchi wa Mkoa wa Songwe katika Mji Mdogo wa Mlowo wilayani Mbozi.

Amesema kuwa Mkoa wa Songwe ni miongoni mwa mikoa inayolisha taifa hivyo amewataka wananchi  waendelee kuchapa kazi kwasababu kazi ni kipomo cha utu.

"Ninyi watu wa mkoa huu ni kielelezo cha watu wanaofanyakazi kwa vitendo katika taifa. Na sisi tunaielekeza Serikali kuleta mbolea kwa wakati na pembejeo nyingine za kilimo vilevile tunaielekeza wizara ya kilimo kuendelea kutafuta masoko" amesema Dkt Nchimbi nakuongeza;

"Ukiwa na vyakula vingi na huna soko haina faida yoyote na inakatisha tamaa kwa mkulima kwa hiyo tutajitahidi kwa kilaliwezekenalo kuhakikisha tunapata masoko"

"Niwapeni salamu za Mhe. Rais Samia Suluhu Hassan anawasalimieni sana na mimi nitapeleka salamu na kuwa mnashukuru kwa kupewa barabara ya lami Mlowo mpaka Kamsamba, na nitaifutilia maendeleo yake" amesema