MADIWANI WAMPONGEZA MKURUGENZI WA HALAMASHAURI KWA UNUNUZI WA EXCAVATOR, MBOZI

Kurushwa hewani: May 2nd, 2023

MBOZI. Baraza la Madiwani Halmashauri ya Wilaya ya Mbozi limempongeza Mkurugenzi Mtendaji wa Halmashauri hiyo (DED), Abdallah Nandonde kwa kufanikisha ununuzi wa mtambo mpya wa

Excavator.

Pongezi hizo zimetolewa leo April 28, 2023 wakati wa Baraza kamili la Madiwani.

Halmashauri ya Wilaya ya Mbozi imefanikiwa kununua mtambo mpya wa mtambo wa Excavator kwa Shilingi milioni 500 fedha za zinazotokana na mapato ya ndani.

Akizungumza kwa niaba ya madiwani, diwani wa kata ya Halungu, Maarifa Mwashitete amesema kuwa halmashauri inatakiwa kumpongeza mkurugenzi huyo kwa ununuzi wa mtambo kwasababu ilikuwa ni ndoto ya muda mrefu

"Hatuna budi kumpongeza Mkurugenzi wa Halmashauri ya Wilaya ya Mbozi Abdallah Nandonde kwa kuhakikisha ndoto ya halmashauri yetu inatimia"

Mchakato huu tuliuanza toka 2015  na hatimaye sasa umekamilika, hatunabudi kujipongeza kwa hili" amesema diwani huyo huku madiwani wengine wakipiga makofi

"Kwasababu ndoto yetu ni kuwa na kampuni ya ukandarasi inabidi tuhakikishe tunafanya ununuzi wa vifaa vingine ili viende sawia na mtambo huo" ameshauri

Kwa upande wake Diwani wa Kata ya Itaka, Alan Mgulla amesema kuwa wamepita wakurugenzi wengi lakini hawakuweza kufanikisha ununuzi wa mtambo huo.

"Wamepita wakurugenzi wengi lakini wewe (Abdallah Nandonde) umefanikisha kiu yetu ya muda mrefu, japokuwa mchakato tuliuanza wakati linauzwa bei rahisi lakini ilishindikana lakini wewe umeweza hatuna budi kukupongeza na tunakuombea uendelee kubaki Mbozi" amesisitiza

Katibu wa Chama Cha Mapinduzi (CCM) Wilaya ya Mbozi, Julius Mbwiga ameipongeza halmashauri kwa kupata hati safi na kuhimiza umoja na mshikamamo walionao uendelee.